◒ 說好香港（屋邨）故事？

你會點樣向外國人介紹香港公屋？呢種佔香港30%人口（2022年房屋署數據）嘅房屋型態，似乎一直以扁平形象出現——「基層奮鬥」、「舊式人情味」，及近期因何伯而引起熱話嘅「公屋富戶」。

關於公屋，仲可以講啲咩？

事實上，綜觀全球，除咗新加坡之外，冇乜大城市會有咁高嘅人口比例居住緊公共房屋。公屋唔單止係一種居住空間，佢對於住戶嘅資產限制，亦意味住：討論公屋時必然會牽動有關社會階層嘅討論。

◒ 做屋邨嘅老best？

兩位主持aka現任公屋住戶牙精、（臭）直泓，希望透過podcast，同大家傾下屋邨生活。托住個腮吹水之餘，都想分享同公屋相關嘅歷史、知識，探索公屋嘅不同面向。